En Fastelovendsgesellschaft, die exesteere will bruch:

·    He Lück, die jot de Schnüss schwade künne,

·    Do Lück, die hämmere, säge, mole künne,

·    He Lück, die perfekt Kölsche Klüngel bedrieve,

·    Do Lück, die met vollem Áhnz en Satzung schrieve,

·    He Lück, die met Geld ömjonn künne,

·    Do Lück, die ene usjevve künne,

·    He Lück, die selvs de Organisation noch ens organiseere,

·    Do Lück, die doför met de Jäß jet länger fiere,

·    He Lück, die bes en de Näch am Wage baue,

·    Do Lück, die verstonn, ne Zappes en e Beerfass zo haue,

·    He Lück, die jot kötte künne,

·    Do Lück, die jot stifte künne,

·    He Lück, die pingelig Protokolle penne,

·    Do Lück die och ens 5 jrad sin losse künne,

·    He Lück, die staaz gesellschaftlich glänze,

·    Do Lück, die för de Fasteleer och ens de Arbeit schwänze,

Vör allem Lück, die mem Hätz dobei sinn söns hätt dat Janze üvverhaup keene Senn !

Un jitz janz ohne Strunz su en Lück jit et zom Jlöck bei uns !